夢幻街的天澤聖司

做志愿者真係好好玩，又可以当旅行，虽然冇得睇比赛，不过见到咁多运动选手，已经够啦。玩够咯，是时候继续上班咯。

在迎接20的未来之前，回首过去的19岁，感觉就像是进入成人世界。

有什么做了，有什么没做，有什么计划，有什么舍弃。

爸爸说，就快20岁了，大个仔了，要学会独立了，不要再依赖家人了。忽然间，这个包袱很重，有点儿迷失、迷惘。爸爸问我，20岁了，有什么计划？我只是说，先稳定了，再作打算，我仿佛很害怕流浪在社会，不知深浅好恶。但我觉得，自己赚钱，能给家人用，是一种光荣。

傻傻的脑袋，有傻傻的圣司。

明天20岁，生日快乐～...

自从龙舟水之后，广州冇边个星期持续天晴，落雨成为每周例事，持续到几时，却冇人知。要落嘅，还有多少？要洗的，还有多少？沉闷的酷暑，再被冷雨退热。或者是令08奥运的时候，再高涨吧

端午节过后，龙舟水依旧，周末日倾盆大雨，难得嘅休息，却遇上如此天气，可笑还是无奈。夏至将到，气温还是凉快的。夏雨，rain n cool。

哩個已經不屬于我嘅節日，卻保留著一顆童真的心。爸爸今日開玩笑問駛唔駛帶我去兒童公園遊玩，呵，幸好的是冇去。今日都好大雨，冇出去，在家一樣能快樂。就快20了，該想想以後的方向了。學會成熟。

今日，全国喺14：28分默哀，为喺灾难中遇难嘅朋友，送上默默嘅祈祷；为生存落嚟嘅人们，送上祝福。

喺默哀嘅期间，有同事不禁眼湿湿。煽动之泪难免嘅，就好似我咁，晚上翻到去，都唔够胆开电视，因为我惊睇到啲新闻或者故事，会再一次流泪。

你哋係无辜嘅一群人，但却庆幸有我哋哩个大家庭，生存者，请珍惜你嘅生命，好好活下来。

PS：广州嘅娱乐事业全部停业三日，连翡翠台亦都被封。。。。了。

中国今年奥运，但永远都有比哩个更加轰动嘅新闻——汶川地震。

中国难得一遇嘅天灾，又一次团结全国人民嘅爱（讲实在，宁愿冇哩次证明）。上至报纸新闻，下至人民，无一唔关心，随着捐款嘅相继开始，负面新闻一一涌现。

救援车队队伍到加油站加油，加油站嘅工作人员竟然要车队排队将近两个钟，并且只能够加￥100；某学校校长，安排教职员工、学生喺镜头前假扮捐款，并退学偷拍此举嘅学生。各个企业，都喺度大打救援牌，实质就係卖自己广告，人、情真係分解得好彻底...

作为奥运圣火翻到国内嘅第一站，当然受到各界高度重视及关注，现场更是红海一片，国旗、红衫，连绵不断。虽然有毛毛细雨，但港人更是热情高涨。从镜头睇倒嘅每一个火炬手，都表现得相当兴奋。刘德华、陈慧琳更是素颜上阵，佩服了。第一次用龙舟、第一次用骑马的方式传送火炬，香港攞下好多嘅第一次。喺电视旁边嘅我，都非常激动，热泪盈眶，唔知到广州嘅嗰日，我会唔会有机会目睹这一壮举呢？

多得同事嘅热烈讨论，我先知道原来听日已经4月30啦，后日开始放假。冇咗7日长假嘅前后调动，真係冇咗假前补班症。当然，对于第一年出嚟做嘢嘅我嚟讲，可能暂时未有太大改变。顺其自然咯。同事一早定好晒所有安排，我呢？都係留喺屋企算咯，留翻啲钱，等有机会出去玩一个礼拜，一个月，半年，哈哈，又开始白日梦ing。好，最后倒数，努力工作。

整个四月，离不开这几件事。

1、圣火传递。轰轰烈烈咁周游列国，却伴随住一班班恶独势力。最无耻嘅都算係残疾运动员被袭击。无论係边一个势力都好，边一面嘅支持者都好，你走去攻击一个冇任何还手之力嘅人，可以话你係无耻，就算你嘅观点理论係啱，我谂全世界都冇人去争你。凭住一啲错误歪曲嘅报道去当现实，乜而家某啲外国人几时变得咁蠢？连报道相片入面嘅人、民族、地点都分唔清？口口声声捍卫人权，你去袭击残疾人，又算咩嘢人权？其实圣火对于我嚟讲，係少关注嘅；但係竟然有如此无耻之徒，嗤之以鼻。...

今晚摊开报纸，忽然一张大大的M记优惠券呈现眼前（估计都唔会去帮衬的啦），不过随便过目一下，谁知看到有新款食品推出。不过最有兴趣的都係麦香酥，外形好似爆口嘅派（哈，形容得好核突），外层好似蛋哒（发觉唔係好识哩个字），入面包住火腿蛋，唔错唔错。卖相可以，不过只供应早上10点前，未免有点可惜。

至于其他新款，Moka Sunday、麻辣麦乐鸡、麻辣特级板烧鸡腿堡、浓滑冰奶茶，就冇想试嘅欲望，来来去去都係A+B，B+C，冇乜新意。

台湾总统选举结果成日浮出水面，小马哥以绝对的优势胜出，是代表咗台湾的大部分民意？定係宣告咗水扁嘅最终失败？还是我们同样的期望呢？无论点样，选举告一段落，接落嚟就係睇睇小马哥如何执政啦。拭目以待。

两日嘅天气，变化好大。寻日满城风雨，今日就阳光普照。唔适应忽冷忽热嘅天气，生怕自己又感冒。上帝保佑，少病少痛。

VEGA－The Vega

四人声音组合劲正！从组合嚟讲，佢哋走艺术尾声，既古典又流行，独特得嚟又唔会好似传统嗰啲尾声，4个人嘅高中低声部分明，比起现今嘅组合普通唱腔嚟讲，冇得比。论和音，除咗at17我认同之外，就係VEGA啦，虽然我唔会唱得佢哋咁厚咁高，但係舒服得嚟又令我佩服。论歌曲，虽然只有一首新歌，其他都係翻唱，但係翻唱嘅编曲、编排却係令你觉得仿似听紧一首新歌。如《黑夜不探戈》就係将《黑夜不再来》x《孤独探戈》，两首唔同风格嘅歌融为一体，歌词交错，令我有如觉得似迷你版劲歌...

虽然三八妇女节今年係星期六，但係各单位已决定明天下午女士放假，晕！我身边嘅女士们已经在讨论明天下午如何消遣这多出嚟嘅时光，惟独我哩啲男生，继续紧守岗位，唉！女士放假，需要男士陪伴嘛，应该连男士都放。发梦~~~~~~~~~

广州唯一行驶通宵的渡轮航班（黄沙－芳村），于今晨行驶其最后一班，结束长期的夜间通航服务。随着城市的版图扩大，交通的多元化，守候我们多年的渡轮已日渐稀少，乘坐的人数每况愈下。渡轮服务对于市区居住的市民来说，没多大帮助，但它仍然联系着一部分市民的出行便利以及低成本。政府在大力推动水路交通的政策下，却没有做好相应配套交通连接服务。地铁站现在都有接驳巴士，但码头却没有接驳巴士，有的码头甚至在两个车站之间，若然叫人行过去乘坐，或许已经改坐巴士了。不过渡轮的覆盖面有限，只能服务沿岸市民。但在取消这一航班后，黄沙...

下午嘅溫度，忽然飆升到25度，黑色衫表面更係火辣辣，唔通Skip春天，忽然一夏？

卫兰－如水

一贯嘅K歌风格，不过顺耳度会比《杂技》好好多，高潮假音部分转得唔错，薄音嚟升Key，几好！歌词有林夕挥笔，水与泡沫嘅互化，爱情的患得患失。值得一听。

 

邓丽欣+方力申—我的最爱

比起之前三首合唱歌《好心好报》、《好好恋爱》、《十分·爱》嚟讲，哩首应该係最差一首啦（虽然我极之欣赏佢哋两个）。成首歌嘅音乐冇办法引起我继续听嘅欲望，Stephy嘅唱功，从《电灯胆》就知，...

林海峰《我哋大家》 

06年底有Eric Kwok嘅《广东大碟》，08年嘅《我哋大家》算係另一张广东大碟，虽然歌名唔係全部用上广东话，但係歌词都係口语化，rock，rap，慢歌，快歌样样齐。特别收录翻之前嘅《踎低喷饭》、《粒粒》，直情係正啦。《世界有古怪 有谢安琪》首歌的确好过瘾，有Kay嘅声穿插当中，未尝唔係一种新crossover。



 

吴浩康《Reality Co. Ltd》...

4年一次的2月29日，同平时一样，工作工作工作，但唯一享受的，就係这一年，多出的这一天。如果哩日係假期，会係几好呢！

寻晚睇报纸报道，北京嘅有轨电车正在建设，预计好快会同市民见面。印象中，好似中国冇边个城市而家有叮叮车行驶。70年代，广州嘅太平路全部都係有轨电车，最后因为城市道路发展、噪音等问题，而全部换成现在嘅无轨电车。市政府曾几何时话过重新建设轻轨铁路，结果年复一年，已经淡忘在市民嘅脑海了。想再尝试，或者只有到HK的港岛区，乘坐怀缅一下吧。

被好友再三推荐使用哩度，于是就开一个吧！反正平时冇嘢做，当练练笔都好！