夢幻街的天澤聖司

版权声明：转载时请以超链接形式标明文章原始出处和作者信息及本声明
http://seijiworld.blogbus.com/logs/16590063.html

VEGA－The Vega

四人声音组合劲正！从组合嚟讲，佢哋走艺术尾声，既古典又流行，独特得嚟又唔会好似传统嗰啲尾声，4个人嘅高中低声部分明，比起现今嘅组合普通唱腔嚟讲，冇得比。论和音，除咗at17我认同之外，就係VEGA啦，虽然我唔会唱得佢哋咁厚咁高，但係舒服得嚟又令我佩服。论歌曲，虽然只有一首新歌，其他都係翻唱，但係翻唱嘅编曲、编排却係令你觉得仿似听紧一首新歌。如《黑夜不探戈》就係将《黑夜不再来》x《孤独探戈》，两首唔同风格嘅歌融为一体，歌词交错，令我有如觉得似迷你版劲歌金曲。《惟独你是不可取替》係全碟我最中意嘅，开头嘅女高音唱出一首古典歌曲作为前奏，之后嘅演唱，队员又玩beatbox，古典，潮流，流行，乜都有，极其推荐啊。

吴雨霏－Lady K Live

 金牌另一位女歌手开演唱会，讲真啦，你话Kary冇走音，就肯定冇可能，高音位始终走，但係低音部分比较稳定。演唱会可以话係一个精选碟，好多好歌都可以听翻，好似《二十世纪少年》、《杀她死》、《爱是最大权利》、《台北四天三夜》等。总体嚟讲，Kary把声都係好干，高音唔多啱佢，除非再努力改善唱功啦。

单曲

刘美君－浮花

一开始我以为係刘美君嘅旧歌，后嚟先知道係新歌，钢琴伴奏嘅简单演绎真係令我觉得係80年代嘅歌曲，佢把声既性感又清晰，令我一听摄魂，顿觉错失佢最光辉嘅年代，那时我都应该未出世。对佢有印象都係上一张国语专辑《每次爱得很认真》，已经中意佢嘅声线，今次再次出广东碟，更係关注关注啦。

林苑－意外的插曲

有点意外佢继续出歌，有啲意外以为佢失踪咗。哩首歌真係冇乜特别，发挥唔倒佢嘅声线，之前嘅《九百万辆单车in北京》算是凸显佢嘅优势。失望是也。

at17－那天约你上太空

不经意地听到啦，都Ok啦，编曲丰富咗好多，唔再係简单嘅吉他伴奏，睇得出佢哋喺度求变，好事嚟嘎。