夢幻街的天澤聖司

版权声明：转载时请以超链接形式标明文章原始出处和作者信息及本声明
http://seijiworld.blogbus.com/logs/19772364.html

整个四月，离不开这几件事。

1、圣火传递。轰轰烈烈咁周游列国，却伴随住一班班恶独势力。最无耻嘅都算係残疾运动员被袭击。无论係边一个势力都好，边一面嘅支持者都好，你走去攻击一个冇任何还手之力嘅人，可以话你係无耻，就算你嘅观点理论係啱，我谂全世界都冇人去争你。凭住一啲错误歪曲嘅报道去当现实，乜而家某啲外国人几时变得咁蠢？连报道相片入面嘅人、民族、地点都分唔清？口口声声捍卫人权，你去袭击残疾人，又算咩嘢人权？其实圣火对于我嚟讲，係少关注嘅；但係竟然有如此无耻之徒，嗤之以鼻。

2、股市跳水。日日就听住啲同事喺度大叫，跌停啊，又绿色啦，跳水啊。但係佢哋永远唔会叫跳楼啊，涨停啊。永远就係要畀你知道佢好惨，但係佢赚好多嘅时候就收收埋埋，何必呢？我又唔会叫你赚咗就请食饭，输咗我都冇钱施舍你。既然玩得，就预咗有输嘅心态。上天唔会永远畀你赚钱的，亦都唔会可怜你嘅。係得失之间寻找平衡吧。